Фигу Роналдо ва Роналду ҳақида гапирди

"Реал" Мадрид клуби афсоналаридан бири Луиш Фигу ўзининг “қироллик клуби”даги собиқ жамоадоши Роналдо ва ҳамюрти Криштиану Роналдуларни ўзаро таққослади.

“Уларнинг иккаласи ҳам юқори савиядаги футболчилардир. Роналду боши билан кўпроқ гол уради, Роналдо эса жарима майдончаси ичида яхшироқ ҳаракат қиларди.

Шуни ишонч билан айтишим мумкинки, ушбу икки футболчининг борлиги жамоага кўплаб голлар олиб келган”, - дейди португалиялик собиқ футбол юлдузи.

Эслатиб ўтамиз, Фигу Роналдо билан “қироллик клуби”да, Роналду билан эса Португалия терма жамоасида бирга тўп сурган.