Флорентино Перес "Реал"нинг янги юлдуз футболчиси учун 150 млн евро сарфламоқчи

Мадриднинг "Реал" клуби президенти Флорентино Перес жамоанинг янги юлдузи учун 150 миллион евро сарфламоқчи.

Football Espana нашри тарқатган хабарга кўра айнан ушбу маблағ “Челси” вингери Эден Азарни сотиб олишга йўналтирилади. Эътиборлиси, Перес ушбу харидни қишки трансферлар чоғидаёқ амалга оширишни режалаштирмоқда.

Маълумот учун, Азар жорий мавсум “Челси” сафида 11та ўйинда майдонга тушиб, ўз ҳисобига 8та гол ҳамда 3та голли узатма ёздириб қўйишга эришган.