Godin uchun Milan grandlari kurash boshlashdi

Madridning "Atletiko" klubi himoyachisi Diego Godin faoliyatini Italiya A Seriyasida davom ettirishm mumkin.

Calciomercato tarqatgan xabarga qaraganda 32 yoshli urugvaylik futbolchiga “Milan” va “Inter” klublaridan jiddiy qiziqishlar mavjud. Qayd etish lozimki, Godinning “matraschilar” bilan amaldagi shartnomasi joriy mavsum so‘nggida o‘z nihoyasiga etadi va agar u ushbu kelishuvni uzaytirmasa milanliklar uni o‘z safiga qo‘shib olishga harakat qilib ko‘rishadi.

Ma’lumot uchun, Godin joriy mavsum “Atletiko” safida jami 18ta o‘yinda maydonga tushdi va o‘z hisobiga 2ta gol hamda 1ta golli uzatma yozdirib qo‘yishga erishdi.