Ҳаким Фузайлов: Биз мавсумга ҳали тайёр эмас эдик

Даставвал журналистларнинг саволларига "Истиқлол" устози Ҳаким Фузайлов жавоб берди.

"Учрашув қийин ўтди. АГМКни ғалаба билан табриклайман. Февралдаги одатий ўйин гувоҳига айландик. Жамоа ҳали мавсумга тайёр эмас эди. Захира ўриндиғи торлиги панд берди. Энди ОФК кубоги гуруҳ босқичи ўйинларига тайёргарликни давом эттирамиз. 

Селекция ишларини давом эттириш керак. Янги футболчилар билан шартнома имзолаш керак. Буларсиз ижобий натижага эришиб бўлмайди.

Олмалиқ шаҳри менда катта таассурот қолдирди. Мухлисларни ҳам алоҳида қайд этиш жоиз", - деди Фузайлов.