Ҳусниддин Ғофуров янги жамоаси сафидаги илк голини киритди (видео)

Дам олиш кунлари Сербия Супер лигасида 11-тур ўйинлари бўлиб ўтди. Ҳамюртимиз Ҳусниддин Ғофуров фаолият олиб борадиган Лучанининг “Младость” клуби ўз майдонида “Войводас”ни қабул қилди.

Мазкур ўйинда меҳмонлар 3:1 ҳисобида ғалаба қозонишди. Ҳамюртимиз ўйинни захира ўриндиғида бошлади ва 53-дақиқада захирадан майдонга туширилди. Бу вақтда унинг жамоаси 0:2 ҳисобида ортда қолаётган эди.

Учрашувнинг 88-дақиқасида эса Ҳусниддин меҳмонлар дарвозаси олдида юзага келган пала-партишликдан унумли фойдаланиб, ҳисобни қисқартиришга эришди.

Бу унинг лучаниликлар сафида киритган илк голи бўлди.

Қуйида учрашувда юзага келган диққатга сазовор вазиятлар ва киритилган голларни томоша қилишингиз мумкин.