Ибрагимовичнинг хотини уни "Милан"га қайтишини хоҳламоқда

АҚШнинг "Лос-Анжелес Гэлакси" клуби форварди Златан Ибрагимовичнинг хотини Хелена Сегер турмуш ўртоғининг яна Европа грандлари сафига ўтишига рози.

Football Italia нашри тарқатган хабарга кўра 48 ёшли фотомодель 37 ёшли швециялик футболчини яна “Милан”да ўйнашини хоҳламоқда. Айтиш лозимки, Златан 2010-2012 йилларда ҳам “россонерилар” сафида тўп сурган. Ўз навбатида айни дамда ишлари бироз юришмаётган “Милан” ҳам Ибрагимовични таркибга жалб этишни хоҳламоқда.

Маълумот учун, Ибрагимович жорий мавсум МЛСда жами 27та ўйинда майдонга тушиб, ўз ҳисобига 22та гол ҳамда 6та голли узатма ёздириб қўйишга эришган.