Жамшид Искандеров: Арвеладзе мени айбдор деб билади
Ads

Жамшид Искандеров «Пахтакор»ни тарк этиб «Локомотив» аъзосига айланганидан хабарингиз бор. Айтиш мумкин, футболчи нима учун «Пахтакор»дан кетганини, Шота Арвеладзенинг унга нега имконият бермаганини, «Локо»ни танлаганининг сабаби, хуллас, жонли суҳбатда анча-мунча гаплар айтилди.

- Тўғрисини айтайми? 2018 йилнинг бошида Осиё Чемпионлар лигаси плей-офф босқичида Қатарда «Ал Гарафа» билан ўйнагандик. Ўша ўйин бизнинг илк расмий ўйинимиз бўлгани учунми ютқазиб қўйдик. Лекин ўша учрашувдаги мағлубиятда мени айбдор қилиб кўрсатишди.

- Ким?

- Шота Арвеладзе мени айбдор деб билади. Дарвозамизга киритилган биринчи ёки иккинчи голдан аввал мен тўпни шеригимга узатаман деб юқорига кўтаргандим. Кейин эса тўпни рақиб эгаллаб олиб ҳужумга ўтганди ва натижада Марко Симич пенальти бўлишига сабабчи бўлганди. Шу боис ўша ўйинда мени мағлубият учун айбдор қилишди. Тўғри, мен хато қилгандирман, буни тан оламан. Лекин мухлислар мағлубиятнинг сабабини билишни талаб қилишганида бош мураббий Жамшид ўша ўйинда хатога йўл қўйди деб айтган. Лекин бу – футбол-ку, ахир ҳаётда ҳам исталган одам хато қилиши мумкин-ку. Хуллас, ўша учрашувдаги биргина хато билан уларнинг кўзига ёмон кўриниб қолдим. Балки «Пахтакор»нинг ички муҳитида кимдир мени ёмонлаб юрдими, билмадим. Ҳар холда ўшандан сўнг менга бўлган эътиборлари умуман ўзгариб кетди. Чемпионатнинг илк турида «Сўғдиёна»га қарши ўйнагандик ва биринчи бўлимдан сўнг мени алмаштириб юборди. Ўша беллашувдан кейин ҳам менга деярли имконият берилмади. Майдонга тушган кам сонли ўйинларда ҳам 10-15 дақиқа тўп сурдим холос. Мен эса тезроқ асосий таркибга кириб олиш учун ҳаракат қилаётгандим.

- Бундан чиқди, Арвеладзе сизга нисбатан гина сақлаб юрганми?

- Тўғриси, «Пахтакор»да ўйнаётган бошқа футболчилар ҳам хато қилишади. Аммо кейинги ўйинда яна уларни майдонга тушираверади. Мен билан эса бундай бўлмади. Масалан, ўтган йили чемпион бўла олмадик, Кубок эса қўлдан бой берилди. Бунга ким айбдор? Натижага ким жавоб беради?

Суҳбатнинг тўлиқ матнини тез орада сайтимизда ўқийсиз. Биздан узоқлашманг!

Фикрлар

Фикр қолдириш учун авторизациядан ўтинг!
&
user
23/01/2019 17:19
Shu J.Iskandarov porlab chiqqandi shu paxtakorga o'tib so'nib qoldi afsus shunday istedod uvol qildi paxtakor.
&
А.Н.Т
23/01/2019 16:55
Жамшид сен тугри карор килдинг пахтакордан кетиб
&
Барса
23/01/2019 16:47
Эххе
&
darwesh
23/01/2019 23:10
Кушиламан гапларизга)))

«SPORTS.uz» сайтида чоп этилган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин.

ТАҲРИРИЯТ ҲАҚИДА

Гувоҳнома: №1002. Муассис: «RENDER SYSTEMS» МЧЖ.

Таҳририят манзили: 100047, Тошкент шаҳри, Истиқбол кўчаси, 15-уй.
Электрон манзил: info@sports.uz.
Телефон: +998 71 233-78-98