Жанлуижи Буффон: “Реал” билан ўйин бизни хавотирга солмоқда

“Ювентус” клуби дарвозабони Жанлуижи Буффон “Реал”га қарши ЕЧЛ чорак финал дастлабки ўйини олдидан ўз фикрини билдирди.

“Реал” билан ўйин бизни хавотирга солаётгани бор гап. Тарихга назар ташлайдиган бўлсак, биз ўзимиздан кучлироқ клуб билан ўйнаймиз. Бизда муаммолар борлигини ҳам тушуниб турибмиз. Аммо маҳоратли жамоа икки ўйин натижасига кўра ҳар доим ҳам ютавермаслигини ҳам биламиз.

Икки баҳсни рақибга нисбатан яхшироқ ўйнасак, биз учун ажойиб натижа бўларди. “Реал” сингари клубдан битта футболчини олиб ташлаш катта ўзгаришга олиб келмайди. Аммо Роналдуга қарши ўйнаш доим қийин эканини айтиб келганман”, – деди Буффон.

Эслатиб ўтамиз, “Ювентус” ва “Реал” ўртасидаги дастлабки учрашув 3 март куни Турин шаҳрида ўтказилади. Беллашув Тошкент вақти билан 23:45 да бошланиши кўзда тутилган.