Жеррард: Ҳозирги "Ливерпул"да камчилик кўрмаяпман

“Ливерпуль” афсонаси Стивен Жеррард жамоанинг бразилиялик форварди Роберто Фирмино ҳақида илиқ фикрлар билдириб ўтди. Шунингдек мерсисайдликларнинг кўрсатаётган ўйинини ҳам мақтади.

“Агар эътибор берсангиз Фирмино – сўзсиз даҳо. У жамоасининг самарали ҳужум ташкил этишига ва ундан фойдаланишига ҳаракат қилади. “Ливерпул”нинг бошқа ҳужумчилари ҳам яхши, лекин Фирмино энг муҳим футболчи.

Умуман олганда “Ливерпуль” ҳужум позициясида етарли кадрларга эга. Масалан, Салоҳ ёки Мане жароҳат олса, айни дамда ажойиб формага кириб бораётган Старриж бор. Ориги ва Соланке ҳам шулар жумласидандир.

Ҳозирги “Ливерпул”да ҳеч қандай камчилик кўрмаяпман. Бу жамоа сўнгги йиллардаги энг кучли таркибга эга. Уларга етишмаётган ягона нарса бу – маҳорат”, - дейди Жеррард.

Эслатиб ўтамиз, Юрген Клопп шогирдлари айни дамда АПЛда ўтган 6та турдан сўнг 100 фоизлик натижа кўрсатишиб пешқадамлик қилишмоқда.