Кафу: Роналдунинг ортидан бошқа юлдуз футболчилар ҳам А Серияга ўтишига ишонаман

Бразилиялик машҳур футбол юлдузи Кафу португалиялик ҳужумчи Криштиану Роналдунинг “Реал”дан “Ювентус”га ўтиши борасида ўз фикрини билдириб ўтди.

“Мен буни Турин супер клубининг супер трансфери деб ҳисоблайман. Португалиялик шубҳасиз дунёнинг энг яхши футболчиси ва у “Ювентус”ни албатта кучайтира олади. Ўз навбатида Италия А Серияси ҳам ушбу чизиқда Европада ўзини кусайтириб олди. Айнан Роналдунинг ортидан кўплаб юлдуз футболчилар Аппенин ярим оролига келишга интилишади. Бундан ташқари ушбу трансфердан сўнг “Ювентус”да Чемпионлар лигасида ғолиб чиқиш имкониятлари кескин ортди”, - дейди Кафу.