Хабарингиз бор, Ўзбекистон ва Туркия камондан отиш федерациялари ўзаро ҳамкорликни йўлга қўйишган. Икки томон ўртасидаги келишувга кўра, ўзбекистонлик спортчилар Туркияда қўшма ўқув-машғулот йиғинларида иштирок этадилар. Ўз навбатида туркиялик мураббийлар ҳам Ўзбекистонга ташриф буюриб, бу ердаги ҳамкасблари билан тажриба алмашиш, мастер-класс ўтказиб беришлари лозим эди.

Бундан бир неча кун олдин Туркияда фаолият олиб бораётган мураббий Владимир Леквишвили Миллий олимпия қўмитасига ташриф буюрган ва Бош котиб Жасур Матчанов билан учрашиб, Ўзбекистонда камондан отиш спорт турини ривожлантириш бўйича бир қатор муҳим масалаларни муҳокама қилганди.

Мураббий ташрифи давомида Самарқандда МОҚ соврини учун ўтказилаётган Ўзбекистон кубогига ҳам борди. У ерда Леквишвили терма жамоамиз учун муносиб номзодларни саралаб олишда мураббийларимизга ёрдам бермоқда. Бугун Самарқандда Владимир Леквишвили иштирокида ўзбекистонлик мураббийлар учун маҳорат дарслари ташкил этилди. Олимпия ўйинлари, жаҳон ва Европа чемпионати совриндорларини тарбиялаган мураббий ўз дарслари давомида машғулотлар самарадорлигини ошириш, муваффақиятли иштирок омиллари ҳақида гапириб берди. Шунингдек, ўзбекистонлик спортчилар иштирокидаги машғулотларни кузатган мураббий бу борада ўз таҳлилини, ҳулосаларини маълум қилди.

Эслатиб ўтамиз, камондан отиш бўйича Миллий олимпия қўмитаси соврини учун Самарқандда ўтказилаётган Ўзбекистон кубоги эртага ниҳоясига етади.

«SPORTS.uz» сайтида чоп этилган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин.

ТАҲРИРИЯТ ҲАҚИДА

Гувоҳнома: №1002. Муассис: «RENDER SYSTEMS» МЧЖ.

Таҳририят манзили: 100047, Тошкент шаҳри, Истиқбол кўчаси, 15-уй.
Электрон манзил: info@sports.uz.
Телефон: +998 71 233-78-98