Канчельскис ҳақида тўлиқ маълумот

7 октябрь куни Наманганнинг “Навбаҳор” клубида бош мураббий ўзгарди. Илҳом Мўминжонов ўрнини россиялик мутахассис Андрей Канчельскис эгаллади. Клуб матбуот хизмати жамоанинг янги устози борасидаги тўлиқ маълумотларни тақдим этди. 

Андрей Антанасович Канчельскис

Туғилган санаси: 23 январь, 1969 йил.

Туғилган жойи: Кировоград, Украина.

Фуқаролиги: Россия

Футболчилик фаолияти давомида ўйнаган жамоалари: “Звезда” (Кировоград, 1986-1987), “Динамо” (Киев, 1988-1989), “Шахтёр” (Донецк, 1990-1991), “Манчестер Юнайтед” (Англия, 1991-1995), “Эвертон” (Англия, 1995-1997), “Фиорентина” (Италия, 1997-1998), “Глазго Рейнжерс” (Шотландия, 1998 - 2002), “Манчестер Сити” (Англия, 2001), “Саутгемптон” (Англия, 2002-2003), “Ал-Ҳилол” (Саудия Арабистони, 2003), “Сатурн” (Россия, 2004-2005), “Крилья Советов” (Россия, 2006).

Клублардаги фаолияти давомида 456 та ўйинда майдонга тушиб, 95 та гол урган.

Терма жамоалардаги фаолияти: собиқ иттифоқ ва МДҲ терма жамоалари таркибида 23 та учрашувда тўп суриб, 3 та тўп киритган.

Россия терма жамоаси сафида эса 36 та ўйинда майдонга тушиб, 4 та гол урган.

Мураббийлик фаолияти давомида ишлаган жамоалари: “Торпедо - ЗИЛ” (Россия, 2009 - 2010), “Уфа” (Россия, 2010-2012), “Волга” (Нижний Новгород, Россия, 2012-2013), “Юрмала” (Латвия, 2014), “Солярис” (Россия, 2016).

Сўнгги иш жойи: Россия талабалар терма жамоаси (2017 йил).

Эришган ютуқлари: Собиқ иттифоқ чемпионати бронза медали совриндори (1989), собиқ иттифоқ кубоги соҳиби (1990), Европа Суперкубоги соҳиби (1991), Англия чемпиони (1993, 1994), Англия кубоги соҳиби (1994), Англия лига кубоги соҳиби (1992), Англия Суперкубоги соҳиби (1993, 1994), Шотландия чемпиони (1999, 2000), Шотландия кубоги соҳиби (1999, 2000, 2002), Шотландия лига кубоги соҳиби (1999, 2002), Саудия Арабистони кубоги соҳиби (2003), Ёшлар ўртасидаги Европа чемпионати ғолиби (1990).