Кеи Нишикори қийин ғалабага эришди

Япониялик теннисчи Кеи Нишикори Роттердам шаҳрида ўтаётган мусобақанинг биринчи даврасида франциялик Пьер-Юге Эрберга қарши кортга чиқди.

Тенг курашлар остида ўтган ўйиннинг биринчи сетини 3:6 ҳисобида бой бериб қўйган Кеи қолган икки сетда 6:1, 6:4 ҳисобида зафар қучди.

Энди "ABN AMRO World Tennis Tournament" турнирининг иккинчи даврасида Нишикори латвиялик Эрнест Гулбис билан куч синашади.