Клопп: “Барселона” ЕЧЛдан чиқиб кетганига ишонгим келмади
“Ливерпуль” жамоаси бош мураббийи Юрген Клопп “Манчестер Сити”га қарши кечган баҳсдан кейин ўз фикрлари билан ўртоқлашди. Мерсисайдликлар 2:1 ҳисобидаги ғалабани қўлга киритиб, икки ўйин натижасига кўра (5:1) ЕЧЛ ярим финалига йўл олишди.
“Шогирдларим иккинчи бўлимда муаммонинг ечимини топди. Дастлабки бўлимда бир нечта вазиятлар яратдик, шунинг учун ҳолатнинг ривожланиш йўлини топишимиз керак эди. Рақиб таркиб билан тажриба қилиб, таваккал қилди. Лекин иккинчи бўлимда яхшироқ ҳаракат қилиб, сифатли футбол намойиш қилдик. Шунга қарамай, “Ливерпуль” ўз устида ишлашда давом этиши лозим.
Жамоа ярим финалда ўйнашга муносиб. “Манчестер Сити” дарвозасига бешта гол уриб, атиги битта тўп олиб чиқдик. Одатда бу рақамлар ҳайратга солади. Мане бугун ажойиб ўйнади ва ўзининг туғилган кунига зўр совға қилди.
“Барселона” ЕЧЛдан чиқиб кетганига ишонгим келмади. “Рома” Салахдан айрилган бўлса-да, Европанинг энг нуфузли турнири ярим финалига чиқди. Бу шунчаки ҳайратланарли”, – деб германиялик мутахассиснинг сўзларидан иқтибос келтиради УЕФА расмий сайти.
Комментарии