Клопп: “Ливерпуль” 2-бўлимда кўпроқ футбол ўйнаши керак эди

“Ливерпуль” клуби бош мураббийи Юрген Клопп “Манчестер Сити”га қарши (3:0) кечган ЕЧЛ 1/4 финал беллашувидан кейин ўз фикрлари билан ўртоқлашди.

• Биласизми? "Ливерпуль" жорий мавсум "Сити"га 3тадан кўп гол урган ягона жамоа 

“Биз бундай натижани кутмаганимиз аниқ. Иккинчи бўлимда кўпроқ футбол ўйнашимиз керак эди. Рақибда ҳавфли вазиятлар деярли бўлмади, аммо биз ҳам футбол ўйнагандик дея олмайман. Бу атиги биринчи ўйин. 3:0 – зўр натижа.

Бизнинг футбол ҳудди биринчи бўлимдаги каби бўлиши керак. “Манчестер Сити”нинг нималарга қодир эканини билардик, лекин ўз имкониятларимиздан ҳам хабардормиз . Агарда биз бу каби рақибга қарши ўйинда тўпни яхши назорат қилиб, унга тўпни бермасак Англия Премьер-лигаси жадвалида уларга яқинроқ бўлар эдик”, – деди Клопп.

• Бу қизиқ. Гвардиола энг кўп мағлубиятни Клопп бошқарган жамоалардан қабул қилиб олган 

Маълумот учун, "Манчестер Сити" ва "Ливерпуль" ўртасидаги жавоб ўйини 10 апрель куни "Этихад" стадионида бўлиб ўтади.