Куртуа Контенинг "Реал"га келишидан хавфсирамоқда

Мадриднинг "Реал" клуби дарвозабони Тибо Куртуа "Челси"даги собиқ устози Антонио Контенинг “қироллик клуби”га келишини истамаяпти. Бу ҳақда El Pais нашри хабар тарқатмоқда.

Юқоридаги манбаага кўра бельгиялик посбон италиялик мутахассис ҳақидаги фикрини жамоадошларига очиқчасига айтган. Унинг сўзларига кўра у “Челси”дан айнан Конте сабаб кетган ва “Реал”да ҳам у билан яна тўқнаш келишдан чўчимоқда.

Эслатиб ўтамиз, бундан аввалроқ айнан Конте “Реал”дан истеъфога чиқарилиш деярли аниқ бўлган Хулен Лопетегининг ўрнига асосий номзод сифатида тилга олинаётган эди.