"Лестер" футболчиси мавсум якунигача сафдан чиқди

Англиянинг "Лестер" клуби ярим ҳимоячиси Марк Олбрайтон жароҳати сабаб мавсум якунигача сафдан чиқди.

Клуб расмий сайти тарқатган хабарга кўра 29 ёшли англиялик футболчи машғулотлар пайтида жароҳат олди.

“Тиззасидан жуда жиддий жароҳат олди. Бу жамоамиз учун ноҳуш хабар бўлди. Менимча у мавсум якунига қадар майдонга туша олмайди”, - дейди “тулкилар” бош мураббийи Клод Пюэль.

Маълумот учун, Олбрайтон жорий мавсум “Лестер” сафида жами 22та ўйинда майдонга тушиб, ўз ҳисобига 2та гол ҳамда 3та голли узатма ёздириб қўйишга эришган.