"Ливерпуль", "Реал" ва "Атлетико" йилнинг энг яхши жамоаси учун кураш олиб боради

Европа клублар ассоциация ва Европа футбол агентлар ассоциацияси Globe Soccer Awards — 2018 тақлини бўйича “йилнинг энг яхши жамоаси”га номзодларни эълон қилди.

Кучли учталикдан Мадриднинг “Реал” (ўтган мавсум ЕЧЛ ғолиби) ва “Атлетико” (ЕЛ ғолиби) ва “Ливерпуль” (ЕЧЛ финалчиси) ўрин олган.

Бундан ташқари “йил мураббийи” номинацияси учун Дидье Дешам (Франция), Диего Симеоне (“Атлетико”), Юрген Клопп (“Ливерпуль”), Массимилиано Аллегри (“Ювентус”) ва ўтган мавсум якунида “Реал”ни тарк этган Зинедин Зидан кураш олиб боришади.

“Йил футболчиси” номинациясига Криштиану Роналду (“Ювентус”), Антуан Гризманн (“Атлетико”) ва Килиан Мбаппе (ПСЖ) номзодлари киритилган.