“Ливерпуль” футболчиси “Реал”га қарши финал учрашувни ўтказиб юборади

“Ливерпуль” клуби ҳимоячиси Жо Гомес “Реал”га қарши кечадиган ЕЧЛ финалида майдонга туша олмайди. Шунингдек, у Англия термасига ЖЧ-2018 турнирида ҳам ёрдам бера олмайди.

– Шуни тасдиқлашим керакки, менинг клубдаги ва терма жамоадаги мавсумим тугади, – деб ёзади Гомес Инстаграм саҳифасида. – Операция мувафаққиятли ўтди. Бир неча ҳафта ичида биз тезроқ майдонга қайтиш учун бор имкониятларимизни ишга соламиз. Энди фақат янги мавсумга ҳозирлик кўраман. Ҳозир эса жамоаларимни муҳим ўйинларда қўллаб-қувватлайман.

Эслатиб ўтамиз, "Ливерпуль" ва "Реал" ўртасидаги ЕЧЛ финал баҳси 26 май куни Киев шаҳрида бўлиб ўтади.