"Ливерпуль" январда "Барселона" футболчисини сотиб олиши мумкин

“Барселона” ярим ҳимоячиси Усман Дембеле қишки трансферлар мавсумида жамоани тарк этиши мумкин. Аввал хабар берилганидек, каталон клуби футболчининг ўйинларидан норози ва уни январда сотишни режалаштирмоқда.

Mundo Deportivo нашрининг ёзишича, бу имкониятдан “Ливерпуль” фойдаланишга тайёр. “Қизиллар” устози Юрген Клопп шахсан ўзи шу трансферга қизиқмоқда. Германиялик мутахассис Дембелени ўз жамоасида анчадан бери кўришни истаб келмоқда.

Эслатиб ўтамиз, ўтган мавсум 21 ёшли ярим ҳимоячини каталонияликлар Дортмунднинг “Боруссия” жамоасидан харид қилган. Ўшанда трансфер учун “Барселона” 115 млн евро сарфлаган.