Лукаку: МЮга қарши ўйинда ПСЖ фаворит

"Манчестер Юнайтед" клуби форварди Ромелу Лукаку УЕФА Чемпионлар лигаси 1/8 финали доирасида ПСЖга қарши бўлиб ўтадиган ўйинлар олдидан ўз фикрларини билдириб ўтди.

“Бу ўйинларда рақибни фаворит деб ҳисоблайман, аммо биз бу баҳсларга жуда яхши тайёргарлик кўрдик. Майдонда нималар бўлишини эса кўрамиз.

Шунчаки ПСЖнинг таркибига қаранг, улар сафида иқтидорли футболчилар кўп ва ажойиб мураббий бор. Бу ўйинларда бизга қийин бўлади”, - дейди бельгиялик футболчи.

Эслатиб ўтамиз, “Манчестер Юнайтед” ва ПСЖ ўртасидаги илк учрашув 12 февраль куни “Олд Траффорд”да, жавоб ўйини эса 6 март куни “Парк де Пренс”Да бўлади.