Лукакунинг агенти уни "Реал"га олиб ўтмоқчи

Мадриднинг "Реал" клубига "Манчестер Юнайтед" форварди Ромелу Лукакунинг хизматлари таклиф қилинди. Бу ҳақда испан нашрлари хабар бермоқда.

Унга кўра бельгиялик футболчининг агенти Мино Райола ўз мижозини “қироллик клуби”га олиб ўтишни кўзламоқда ва бу борада ҳаракатларни бошлаб юборган. Лукаку ҳам "Сантьяго Бернабеу"га кўчиб ўтишга қарши эмас ва бунинг учун маошининг камайишига ҳам рози.

Маълумот учун, Лукаку жорий мавсум МЮ сафида жами 30та ўйинда майдонга тушди ва ўз ҳисобига 9та гол ҳамда 4та голли узатма ёздириб қўйишга эришди. Унинг манкуанликлар билан амалдаги шартномаси эса 2022 йилга қадар имзоланган. Трансфер нархи 85 млн еврога баҳоланмоқда.