МЮ Де Хеага АПЛ тарихидаги энг қиммат шартномани таклиф қилади

"Манчестер Юнайтед" клуби ҳамон ўзининг асосий дарвозабони Давид Де Хеа билан шартномани узайтириш борасида музокараларни давом эттирмоқда.

Mirror нашри тарқатган хабарга кўра “қизил иблислар” испаниялик посбонга 5 йиллик шартнома таклиф қилишмоқчи. Унга кўра Де Хеа ушбу вақт мобайнида 102 миллион евро ишлаб олади. Эътиборлиси, бу АПЛ тарихидаги энг қиммат шартнома ҳисобланади.

Маълумот учун, Де Хеа “Манчестер Юнайтед” шарафини 2011 йилдан буён ҳимоя қилиб келмоқда. У жорий мавсум 32та ўйинда майдонга тушди ва шулардан 9тасида ўз дарвозаси дахлсизлигини сақлаб қола олди. Унинг клуб билан амалдаги шартномаси эса ёзда ўз ниҳоясига етади.