МЮ футболчисини Шотландия гранди ўз сафига чорламоқда

"Манчестер Юнайтед" клуби ярим ҳимоячиси Скотт Мактоминей фаолиятини ўз ватанида давом эттириши мумкин. Бу ҳақда Daily Mail нашри хабар бермоқда.

Унга кўра 22 ёшли шотландиялик футболчига "Селтик"дан жиддий қизиқишлар бўлмоқда. Бироқ, МЮ уни сотишга шошилмаяпти. Боиси, манкуанликлар Маруан Феллаинини трансферга қўйишмоқчи. Агар бельгиялик футболчи жамоани тарк этса, Мактоминейнинг “қизил иблислар”га фойдаси тегиши мумкин.

Маълумот учун, Мактоминей жорий мавсум “Манчестер Юнайтед” сафида жами 8та ўйинда майдонга тушди. Унинг клуб билан амалдаги шартномаси 2021 йилга қадар имзоланган. Трансфер нархи эса 7 млн еврога баҳоланмоқда.