"Манчестер Сити" сўнгги 40 йилда илк бор қаторасига икки мавсум Англия лига кубогининг чорак финалига чиқди

Хабарингиз бор “Манчестер Сити” кеча Англия лига кубогининг 1/8 финал босқичида “Фулхэм”ни 2:0 ҳисобида енгди ва чорак финалга йўл олди.

BBC тарқатган хабарга кўра “шаҳарликлар” сўнгги 40 йилда илк бор кетма-кет икки мавсум Англия лига кубогининг чорак финалига чиқишди. Эслатиб ўтиш лозимки, “сити” ўтган мавсум бу мусобақада финалга қадар етиб борган ва ҳал қилувчи ўйинда “Арсенал”ни 3:0 ҳисобида енган эди.

Таъкидлаш лозимки, “Манчестер Сити” 1977/78 ҳамда 1978/79 йилги мавсумларда гарчи чорак финалга чиққан бўлсада, бироқ ярим финалга чиқа олмаган.