"Манчестер Сити" япониялик футболчи билан шартнома имзолади

Япониянинг “Кавасаки Фронтале” клуби ҳимоячиси Ко Итакура “Манчестер Сити” футболчтсига айланди.

Берилган хабарга кўра 21 ёшли япониялик футболчи “шаҳарликлар” билан узоқ йиллик шартнома имзолади. Бироқ, “Сити” уни Голландиянинг “Гронинген” клубига ижарага бериб юборди.

Гап шундаки, Итакура энди бир ярим мавсум Голландияда ўйнайди. Чунки, у айни дамда Британия визасини ола олмайди.

Маълумот учун, Итакура ўтган мавсум Япония чемпионатида жами 24та ўйинда майдонга тушди ва ўз ҳисобига 3та гол ёздириб қўйишга эришди.