"Манчестер Юнайтед" ёзда "Реал" етакчиларидан бирини сотиб олмоқчи

Мадриднинг "Реал" клуби ҳимоячиси Рафаэль Варану "Манчестер Юнайтед"нинг қизиқишлар доирасига кириб қолди. Бу ҳақда The Daily Star нашри хабар бермоқда.

Юқоридаги манбаага кўра 25 ёшли франциялик футболчи “қизил иблислар”нинг ёзги трансферлардаги асосий нишони ҳисобланади.

Эслатиб ўтиш лозимки МЮ дастлаб "Наполи" ҳимоячиси Калиду Кулибалини сотиб олишни режалаштираётган эди. Аммо, улар энди Варан номзодига тўхталишмоқда.

Маълумот учун, Варан “Реал” сафида 2011 йилдан буён ҳимоя қилиб келмоқда. У жорий мавсум 26та ўйинда иштирок этди ва 1та гол уришга эришди. Унинг мадридликлар билан амалдаги шартномаси 2022 йилга қадар имзоланган.