Манчини 36 ёшли ҳужумчини Италия терма жамоасига чақирди
"Сампдория" клуби форварди Фабио Квальярелла Италия терма жамоасига чақирилди. Бу ҳақда Gazzetta dello Sport нашри хабар бермоқда.
Юқоридаги манбаага кўра “скуадра адзурра” бош мураббийи Роберто Манчини 36 ёшли ҳужумчини душанба куни бўлиб ўтадиган терма жамоа машғулотига таклиф қилган. Шу куни Коверчанодаги қароргоҳда Италия терма жамоаси аъзолари йиғилишади.
Маълумот учун, Квальярелла жорий мавсум А Серияда хозирча 20та ўйинда майдонга тушиб, рақиблари дарвозасига 16та гол уришга эришди. У ҳозирча мусобақа тўпурари бўлиб турибди.
Фикрлар