Манчини: Италия кўпроқ гол уришга ҳақли эди

Италия терма жамоаси бош мураббийи Роберто Манчини Украинага қарши (1:1) кечган ўртоқлик ўйинидан кейин ўз фиклари билан ўртоқлашди.

“Ўйлашимча, Италия бугун кўпроқ гол уришга ҳақли эди. Биз шуни инобатга олган ҳолда олдинга ҳаракат қилишда давом этишимиз лозим. Италия ҳужумда совуққонлик билан ҳаракат қилиши ва имкониятлардан фойдаланиши керак. Польшага қарши беллашувга тайёрланиш учун 4 кун вақтимиз бор”, – деди италиялик мутахассис.

Миллатлар лигаси 4-тури доирасида Италия терма жамоаси Польшага қарши (14 октябрь) баҳс олиб борса, Украина ўз майдонида Чехияни (16 октябрь) қабул қилади.