Марчелло Липпи Осиё кубогидан сўнг Хитой терма жамоасидан кетади, сабаби...

Италиялик машҳур мутахассис Марчелло Липпи тез орада Хитой терма жамоаси бош мураббийлигидан истеъфога чиқади. Бу ҳақда France Football нашри хабар бермоқда.

Юқоридаги манбаага кўра 70 ёшли мутахассис яқинлашиб келаётган БААдаги Осиё кубогидан сўнг ўз лавозимини тарк этади. Липпининг бундай қарорга келишига сабаб, у ватанига қайтиб асосий вақтини оиласи билан бирга ўтказмоқчи.

Эслатиб ўтамиз, Марчелло Липпи Хитой терма жамоасини 2016 йилдан буён бошқариб келмоқда. Унинг чин юртидаги йиллик маоши 23 млн еврони ташкил этади.