Марсело семиргани туфайли асосий таркибдан маҳрум бўлди
Ads

Мадриднинг “Реал” жамоаси бош мураббийи Сантьяго Солари ортиқча вазн тўплаган Марселони асосий таркибдан маҳрум қилди, дея маълум қилмоқда Onda Cero.

Маълумотларга кўра, 30 ёшли футболчи 6 килограммга семирди. Шу сабабли бразилиялик ҳимоячи “Севилья”га қарши (2:0) баҳсда майдонга тушмади.

Жорий мавсумда Марсело Ла Лиганинг 11 ўйинда 2 та гол ва 2 та голли пасга муаллифлик қилди. Аввалроқ “Ювентус” Марселога қизиққани ҳақида маълум қилинганди.