“Машъал” жамоаси белоруслик футболчи билан шартнома имзолади

Шу кунларда машғулотларни якунлаб қисқа таътилга чиққан “Машъал” жамоаси ўз сафини яна бир легионер футболчи билан бойитди.

SPORTS.uz интернет ахборот порталига маълум бўлишича, муборакликларнинг янги вакили 1994 йилда таваллуд топган белоруслик ҳимоячи Игорь Тимонюк. У “Машъал” билан бир йиллик шартномага имзо чекди.

Игорь Тимонюк фаолияти  давомида 2011-2013 йилларда Белорусия чемпионатининг “Динамо Брест” ёшлар жамоасида ўйнаган.

Шунингдек, 19 ёшида “Динамо Брест” жамоаси билан Белорусия олий лигасида ўзининг дебютини ўтказган. Тимонюк 2016 йилгача ушбу клуб  шарафини  ҳимоя қилган.

23 ёшлик футболчи Белорусия ўсмирлар, ёшлар ва, олимпия терма жамоаларида кўплаб ўйинларда майдонга тушган.