Мбаппе: Мавсумни ПСЖда якунлайман

ПСЖ клуби хужумчиси Килиан Мбаппе "Генгам"га қарши баҳсдан сўнг (9:0) келажаги борасида журналистлар саволларига жавоб берди. 

- Футболда келажак борасида бир нима айтиш мушкул. Мавсумни ПСЖда якунлашим аниқ, кейинчалик нима бўлишини эълон қиламан, - дея Мбаппенинг сўзларидан иқтибос келтиради El Сhiringuito TV.

Маълумот учун, Мбаппе ПСЖ сафига 2017 йилда “Монако”дан 180 млн евро эвазига кўчиб ўтган эди. У ўтган давр мобайнида парижликлар сафида жами 67та ўйинда майдонга тушиб, ўз ҳисобига 42та гол ва 26та голли узатма ёздириб қўйишга эришган.