Месси Ла Лигада рекорд ўрнатди

"Барселона" клуби форварди Лионель Месси айни дамда Ла Лиганинг "Жирона"га қарши бўлиб ўтаётган ўйинида асосий таркибда майдонга тушди ва рекорд ўрнатди.

Gracenote Live нашрининг хабар беришича ушбу баҳс Месси учун Ла Лигадаги 423-ўйин бўлди. Шу тариқа 30 ёшли аргентиналик футболчи Испания Ла Лигасида энг кўп ўйин ўтказган легионерга айланиб олди.

Таъкидлаш керакки, Месси бу кўрсатгич борасида амалдаги рекордчи ҳисобланган собиқ жамоадоши Дани Алвесни (422та) ортда қолдиришга эришди.