Мезбонлар ёш теннисчиларимизни тўхтата олмади

Қозоғистонда теннис бўйича ўсмирлар ва қизлар ўртасида  "Uralsk Open - 2016" халқаро турнири бошланди. 

Ўсмирлар ўртасидаги яккалик беллашувларида ҳамюртимиз Искандар Каримов дастлабки учрашувда россиялик Владислав Бураков билан куч синашди. Ўзбек теннисчи устунлиги ўтган беллашув ҳамюртимизнинг 6:1, 6:3 ҳисобидаги  ғалабаси билан якунланди. 

Искандар Каримов жуфтликлар мусобақасида британиялик Йинг Хоу билан биргаликда мезбон теннисчилар - Сундет Нагиметов ва Бегзод Усипбековни 6:0, 6:4 ҳисобида мағлубиятга учратди. 

Одил Каримов эса россиялик Акшин Мехтиев билан бирга қозоғистонлик Кирил Бабичев ва Темирлан Наврўзовдан 6:4, 6:0 ҳисобида устун келди. 

Қизлар ўртасиаги жуфтлик мусобақаларида иккинчи рақамда сараланган ўзбекистонлик теннисчилар  - Лайло Баҳодирова ва Милана Масленкова мезбонлар шарафини ҳимоя қилаётган София Сохетская ва Алиша Молдахметова  устидан 6:1, 6:3 ҳисобида устун келди. 

Яна бир ҳамюртимиз Юлия Ким арманистонлик Нарине Саргсян билан бирга қозоғистонлик Дарья Елфимова ва Милана Ахматовани 6:0, 6:3 ҳисобида доғда қолдирди.   

SPORTS.uz