"Милан" Депайга қизиқмоқда

Calciomercato нашри тарқатган хабарга кўра, италияликлар голландиялик футболчини ёзги трансфер ойнаси вақтида сотиб олишни режалаштирмоқда. Аммо мазкур трансферни амалга ошириш осон бўлмайди, боиси французлар Депайни 50 млн еврога баҳолашмоқда.

24 ёшли Мемфис 2017 йил январь ойида "Манчестер Юнайтед"дан 16 млн евро эвазига француз клуби сафига бориб қўшилган эди. У жорий йилги мавсумда Франция чемпионати доирасида 23 баҳсда майдонга тушди ва 5 та гол киритиб, 8 та голли узатмани амалга оширди. Голландиялик футболчининг "Лион" билан амалдаги келишуви эса 2021 йилда ниҳоясига етади.