"Milan" Depayga qiziqmoqda

Calciomercato nashri tarqatgan xabarga ko‘ra, italiyaliklar gollandiyalik futbolchini yozgi transfer oynasi vaqtida sotib olishni rejalashtirmoqda. Ammo mazkur transferni amalga oshirish oson bo‘lmaydi, boisi frantsuzlar Depayni 50 mln evroga baholashmoqda.

24 yoshli Memfis 2017 yil yanvar oyida "Manchester Yunayted"dan 16 mln evro evaziga frantsuz klubi safiga borib qo‘shilgan edi. U joriy yilgi mavsumda Frantsiya chempionati doirasida 23 bahsda maydonga tushdi va 5 ta gol kiritib, 8 ta golli uzatmani amalga oshirdi. Gollandiyalik futbolchining "Lion" bilan amaldagi kelishuvi esa 2021 yilda nihoyasiga etadi.