"Милан" "Ювентус" билан футболчи алмашмоқчи
"Милан" клуби сардори Леонардо Бонуччи "Ювентус"га қайтишни режалаштирмоқда.
La Gazzetta dello Sport нашрининг хабар беришича, 31 ёшли ҳимоячи қишги трансферлар мавсумида "россоньерлар" сафини тарк этиб "Юве"га қайтишни хоҳлаган.
Эслатиб ўтиш жоизки, Бонуччи ва туринликлар бош мураббийи Массимилиано Аллегри ўртасидаги келишмовчиликлар ҳал қилинган.
Аввалроқ хабар берганимиздек, "Милан" "Юве" хужумчиси Гонсало Игуаинга қизиқиш билдирмоқда. Шу тариқа, аргентинияликнинг кўчиб ўтиш шартномасига Бонуччининг трансфери ҳам киритилиши мумкин.
Маълумот учун, "россоньерлар" ўтган мавсум Леонардони 42 миллион евро эвазига қўлга киритган.
Фикрлар