"Милан" скаутлари "Марсел"нинг 2 нафар футболчисини кузатишмоқда

“Милан” клуби “Марсел”нинг 2 нафар футболчисига қизиқиш билдира бошлади.

Calciomercato нашри тарқатган хабарга кўра миланлик скаутлар кеча Франция чемпионатининг “Дижон”га (2:1) қарши баҳсда ярим ҳимоячи Флориан Товен ҳамда 19 ёшли ҳимоячи Бубакар Камараларнинг ўйинларини кузатиб боришган.

Маълумот учун, Товен жорий мавсум Франция чемпионатида жами 21та ўйинда иштирок этди ва ўз ҳисобига 11та гол ҳамда 6та голли узатма ёздириб қўйишга эришди. Камара эса 19та ўйинда майдонга тушиб, 1та гол уришга эришди.