"Милан" хавбеки бир ойга сафдан чиқди

Италиянинг “Милан” клуби ярим ҳимоячиси Лукас Биглия жароҳат олди.

Football Italia нашри тарқатган хабарга кўра 32 ёшли аргентиналик футболчи мушакларидан жароҳат олган ва камида бир ой жамоасига ёрдам беролмайди.

Эслатиб ўтиш лозимки, Биглия  “Сампдория”га (3:2) қарши баҳсда жароҳат олган ва шу боис кеча бўлиб ўтган “Женоа”га қарши ўйинни ўтказиб юборган эди.

Маълумот учун, Биглия жорий мавсум Италия А Сериясида жами 9та ўйинда майдонга тушган ва ўз ҳисобига 1та голли узатма ёздириб қўйишга эришган.