"Милан"нинг собиқ хўжайини қалтис можарога аралашиб қолди

Италиянинг "Милан" клуби собиқ раҳбари Йонгхонг Ли мамлакат ҳудудини тарк этиш ҳуқуқидан маҳрум бўлди. Бу ҳақда Football Italia нашри хабар тарқатмоқда.

Манбанинг хабар тарқатишича, бунга бизнесменнинг қарз билан боғлиқ можароларга аралашиб қолганлиги сабаб бўлган. Айни пайтда ҳуқуқ-тартибот органлари вазиятни ўрганишмоқда. 

Қайд этиш лозим, Ли 2017 йилнинг ёзида Elliott Management хедж-фондидан олинган қарз эвазига Италиянинг "Милан" клубини Силвио Берлусконидан сотиб олган эди. Бироқ у олинган қарзни ўз вақтида тўлай олмагани сабаб, клуб инвестиция компанияси ихтиёрига ўтиб кетганди.