Мишель Платини “Олтин тўп” кимга насиб этиши кераклигини айтди

УЕФАнинг собиқ раҳбари Мишель Платини бу йилги “Олтин тўп” совринини “Реал”даги ҳамюрти Рафаэль Варан қўлга киритишга ҳақли эканлигини айтди.

“Умид қиламанки “Олтин тўп”ни француз футболчиси қўлга киритади. Менга айнан қайси франциялик футболчи ушбу мукофотга лойиқ эканлигини айтиш қийин эмас. Бу Рафаэль Варан. Чунки, у бу йил Жаҳон чемпионати ва Чемпионлар лигасида ғолиб чиққан ягона футболчи”, - дейди Платини.

Эслатиб ўтамиз, “Олтин тўп” совринига жами 30 нафар футболчи даъвогарлик қилмоқда. Унинг ғолиби эса 3 декабрь куни эълон қилинади.