"Монако" ва "Лестер" ўзаро футболчи алмаштиришади

"Монако" клуби "Лестер" билан ўзаро футболчи алмаштиришга келишиб олди. Бу ҳақда англиялик журналист Жон Перси хабар тарқатмоқда.

Унга кўра монаколикларнинг бельгиялик футболчиси Юри Тилеманс АПЛга йўл олади, “тулкилар”нинг португалиялик футболчиси Адриен Силва эса мавсумни Франция чемпионатида якунлайди. Ушбу иккала футболчи ҳам янги жамоаларида ижара асосида тўп суришади.

Юқорида номлари тилга олинган футболчилар бугун янги жамоалари билан шартнома имзолашлари кутилмоқда.