Мурильонинг "Барселона" билан тузилган шартномасига қизи "имзо чекди" (видео)

“Валенсия” ҳимоячиси Жейсон Мурильонинг бугун бўлиб ўтган расмий таништирув маросимида қизиқ ҳолат содир бўлди.

Шартнома имзоланаётган пайтда стол атрофида колумбиялик футболчи ва каталонияликлар президенти Жозеп Бартомеу бор эди. Шу пайт футболчининг кичкина қизчаси отасининг олдига бориб унинг қўлидан ручкани тортиб олди ва шартномага ўз “дастхати”ни қўйиб қўйди.

Эслатиб ўтамиз, “Барселона” Мурильони мавсум якунига қадар ижара олди.