Муроджон Аҳмадалиев чемпионлик камарини ҳимоя қилади

Профессионал рингда муваффақиятли юришини давом эттираётган ҳамюртимиз Муроджон Аҳмадалиев навбатдаги жангини 24 ноябр куни ўтказади.

Жорий йилнинг 23 август куни у чилилик РАмон Контрерасга (15-7-0, КО6) қарши рингга чиқиб, WBA чемпионлик камарини қўлга киритган эди.

Энди боксчимиз бўлажак тўқнашувда ана шу камарни ҳимоя қилади. Мазкур қарама-қаршиликда унга америкалик тажрибали боксчи Исаак Зарате (16-3-3, КО2) рақиблик қилади.

Эслатиб ўтамиз, Муроджон профессионал рингдаги фаолиятини жорий йилнинг март ойида бошлаган ва шу вақтга қадар 4 та жанг ўтказиб, уларнинг барчасида зафар қучган. Учтасида нокаут қайд этган.

Бу боксчилари иштирокидаги жанг Калифорния штати (АҚШ)нинг Атлантик шаҳрида ташкил этилади. Жанг 10 раунд этиб белгиланган.