Начо Фернандес: Бу мавсум барча совринларни қўлга киритамиз деб айта олмайман

Мадриднинг "Реал" клуби ҳимоячиси Начо Фернандес жамоанинг ҳозирги ҳолати ҳақида гапириб ўтди.

“Биз ҳотиржаммиз ва мураббийни охиригача қўллаб-қувватлаймиз. Биз бунданам ёмон вазиятларга тушганмиз, бироқ ҳар доим олға қадам босганмиз. Бу мавсум барча совринларни қўлга киритамиз дея олмайман. Лекин, “Реал” ҳозирги мураббий ва футболчилари билан барча мусобақаларда ғолиб чиқиш учун кураша олишини исботлади. Биз охиригача курашамиз”, - дейди Начо.

Эслатиб ўтамиз, Хулен Лопетеги бошчилигидаги “Реал” қаторасига 4та ўйиндан буён гол ура олмаяпти ва улар ушбу баҳсларнинг 3тасида мағлуб бўлишди.