“Насаф” Олий Лигадаги 589-ўйинини ўтказади

Бугун “Насаф” жамоаси футбол бўйича XXVI Ўзбекистон чемпионатидаги илк учрашувини ўтказади. “Аждарлар”нинг чемпионатдаги дастлабки учрашуви ўзбек футболи ташкил бўлган кўҳна ва навқирон Қўқон шаҳри жамоаси билан бўлади.

• “Қўқон-1912” – “Насаф” учрашуви чипталари сотувга чиқди
• Ёшлар лигаси: “Насаф” Қўқонда имкониятни бой берди

“Насаф” бу йил Ўзбекистон чемпионатидаги 21-иштирокини бошлайди. Жамоанинг бугунги учрашуви олий лигадаги 589-ўйини сифатида тарих саҳифасидан жой олади. “Насаф” бош мураббийи Рўзиқул Бердиев фаолияти давомида ўз шогирдларини чемпионатда 122-марта майдонга бошлаб тушади.

Бугунги учрашувни ФИФА рефериси, қитъамизнинг тўрт карра энг яхши ҳаками – Равшан Эрматов бошқаради. Унга қанотларда Абдуҳамидулло Расулов ва Жаҳонгир Саидов ёрдам беришади. Учрашувнинг захира ҳаками этиб А. Эргашев тайинланган. Ҳакамлар ишини бугун А.Абдуллаев назорат қилади.