"Навбаҳор"нинг Туркиядаги йиғинига қайси футболчилар боради?

Хабарингиз бор, Наманганнинг "Навбаҳор" клуби 6-17 февраль кунлари Туркиянинг Анталия шаҳрида иккинчи хорижий йиғинини ўтказади.

Мазкур йиғинда "Насаф" футболчиси Ислом Рашидхонов ҳам иштирок этади. Айни дамда Рашидхонов "аждарлар" сафида машғулотларда иштирок этмоқда. Бироқ, "лочинлар" раҳбарияти тез орада унинг трансферини якунлаши кутилмоқда. 

Шунингдек, "Насаф"нинг яна бир етакчиси Одил Ҳамробеков ҳам катта эҳтимол билан "Навбаҳор"га ўтади. "Навбаҳор" ушбу икки наманганлик футболчиларнинг трасферини сотиб олади.

Бундан ташқари яна 2-3 нафар ўйинчи қўшилиши ҳам кўзда тутилган. Олимпия терма жамоаси билан Туркиядаги йиғинда иштирок этиб қайтган Остон Ўрунов яна Туркияга жамоамиз билан йўл олади. Анталия йиғини охирларида эса Остон Ўрунов ва Ислом Рашидхоновлар Испания томон йўл олишади. Любинко Друлович бошчилигидаги Ўзбекистон олимпия терма жамоаси 14-25 февраль кунлари Испаниянинг Сан-Педро-дель-Пинатар шаҳрида йиғин ўтказади.

Клуб матбуот хизмати тарқатган хабарга кўра Қримдаги йиғинда иштирок этган янги футболчилар Туркияга ҳам йўл олади. Уларнинг деярли барчаси билан келишувга эришилган.