Неймар: Биламан, “Реал”ни қувиб ўтиш қийин, аммо, имконсиз нарсанинг ўзи йўқ

Айни дамда “Барселона” чемпионатда пешқадам “Реал”дан бор йўғи бир очко кам жамғарган, бироқ, бу ҳолатда каталонияликлар учун “қироллик клуби”ни қувиб ўтиш осон бўлмайди. Чунки, Зинедин Зидан шогирдларининг заҳирасида ўтказилмаган иккита ўйин мавжуд.

Бу борада “Барселона”нинг бразилиялик форварди ўз фикрларини билдириб ўтди.

“Биламан, “Реал”ни қувиб ўтиш қийин, аммо, имконсиз нарсанинг ўзи йўқ. Ўтган мавсум биз энг яқин таъқибчимиздан 12 очко илгарилаб кетган эдик. Аммо якунда адашмасам бор йўғи бир ёки икки очко фарқи билан чемпион бўлганди.

Олдинда бизни кўплаб учрашувлар кутиб турибди. Шундай экан ҳамма нарса бўлиши мумкин. Биз янада жиддийроқ бўлишга ҳаракат қиламиз”, - дейди Неймар Red Bull нашрига берган интервьюсида.