Нью-Йорк марафони африкалик югурувчиларнинг ғалабаси билан якунланди

АҚШнинг Нью-Йорк шаҳрида ҳар йили анъанавий тарзда ўтказиб келинадиган катта марафонлардан бири якунига етди. Сайёрамизнинг энг кучли югурувчиларини ўзида жам қилган мусобақа кутилганидек африкалик спортчиларнинг ғалабаси билан якунланди. 

42 километр, 195 метр масофалик йўлни эркаклар ўртасида ғолиблик учун эфиопиялик икки нафар спортчи қизғин баҳс олиб боришган бўлса, якунда биринчи бўлиб эфиопиялик Лелиса Десиса марра чизиғини биринчи бўлиб кесиб ўтди. Аёллар тоифасида эса кениялик Мэри Кейтанига тенг келадигани топилмади. Батафсил: 

АҚШ. Нью-Йорк марафони. 

Эркаклар

1. Лелиса Десиса (Эфиопия) – 2.05,59
2. Тола Шура Китата (Эфиопия) – 2.06,01
3. Джеффри Камворор (Кения) – 2.06,26

Аёллар

1. Мэри Кейтани (Кения) – 2.22,48
2. Вивиан Черуйот (Кения) – 2.26,02
3. Шелан Фланаган (АҚШ) – 2.26,22