Ольга Данилович рус маликасини мағлуб қилди

Россия пойтахтида Хотин-қизлар теннис уюшмаси томонидан ўтказилган "Moscow River Cup" турнирида сербиялик Ольга Данилович бош совринни қўлга киритди.

У мусобақанинг финал баҳсида россиялик истеъдодли теннисчи Анастасия Потаповага қарши кортга чиқди. Уч сет давом этган учрашувда Ольга 7:5, 6:7, 6:4 ҳисобида зафар қучди.

Ушбу ғалаба Даниловичга 163,265 АҚШ доллари ва 280 рейтинг очкосини келтирди. Ольга учун мазкур соврин фаолиятидаги биринчисидир.